Qohum evliliyi: irsi xəstəlik riski və genetik müayinə

Qohum evliliyi nəticəsində yaranan hamiləliklər düşük və ya ölü doğuşla nəticələnə bilər. Belə nikahlardan doğulan uşaqlarda əqli gerilik, irsi xəstəliklər və anadangəlmə anomaliya riski daha yüksəkdir.

Qohum evliliyi hansı xəstəliklərin riskini artırır?

• Kistik fibroz
• FMF (Aralıq dənizi qızdırması)
• Fenilketonuriya
• SMA və DMD (əzələ xəstəlikləri)
• Zehni gerilik
• Oraqvari hüceyrəli anemiya
• Talassemiya
• Anadangəlmə qüsurlar
• Ölü doğuş riski

Sağlam ailənin formalaşmasında gənclərin ailə qurmazdan əvvəl tibbi müayinədən keçməsi uşaqların irsi və ya anadangəlmə xəstəliklərlə doğulmasının qarşısını almaq üçün atılan addımların başlanğıcıdır.

Genetik müayinədən kimlər keçməlidir?

Genetik müayinə cütlüklərin gələcəkdə sağlam uşaq dünyaya gətirməsi üçün böyük əhəmiyyət daşıyır. Müayinə aşağıdakı hallarda tövsiyə olunur:

• Uşağında zehni və ya inkişaf geriliyi, üz və ya bədən anomaliyaları olan ailələr
• Təkrarlanan hamiləlik itkisi, ölü doğuş və ya anomaliyalı körpəsi olmuş cütlüklər
• Sonsuzluq səbəbindən uşaq sahibi ola bilməyən cütlüklər
• Ailəsinin iki və ya daha çox üzvündə xərçəng xəstəliyi olan qadınlar və kişilər
• Ailəsində irsi xərçəng xəstəliyi və gen mutasiyaları olan şəxslər
• Evlənməzdən əvvəl genetik xəstəliklərə görə müayinədən keçmək istəyənlər