Ürək tutması zamanı ilkin yardım: nə etmək lazımdır?

Ürək tutması zamanı ilkin tibbi yardım həyati əhəmiyyət daşıyır.

Ürək tutması zamanı nə etmək lazımdır?

• İlk növbədə dərhal təcili tibbi yardıma zəng edin.
• Xəstəni sakit və yarımoturaq vəziyyətə gətirin, sıx paltarlarını boşaldın.
• Nəfəsini və huşunu yoxlayın.
• Xəstə huşsuzdursa və nəfəs almırsa, ürək-ağciyər reanimasiyasına (sinə masajı və süni tənəffüs) başlayın.
• Huşu açıq olan xəstəyə, allergiyası yoxdursa və həkim tərəfindən qadağan edilməyibsə, çeynəmək üçün aspirin verilə bilər.
• Xəstəni tək buraxmayın, təcili yardım gələnədək vəziyyətini diqqətlə izləyin.

Soyuq havada risk niyə artır?

Soyuq hava damarların daralmasına, qan təzyiqinin yüksəlməsinə və ürəyin daha çox yüklənməsinə səbəb olur. Bu səbəbdən payız və qış aylarında infarkt və insult riski artır. Xüsusilə hipertoniya, şəkərli diabet, yüksək xolesterin və ürək-damar xəstəliklərindən əziyyət çəkən şəxslər bu dövrdə daha diqqətli olmalıdırlar. Sağlam qidalanma, müntəzəm hərəkət, soyuqdan qorunma və həkim nəzarətində olmaq təhlükəli fəsadların qarşısını almaqda mühüm rol oynayır.