Limfa düyünlərinin böyüməsi (limfadenopatiya): səbəbləri
Limfa düyünləri infeksiya, iltihab, bəzi dərmanlar və bəzi xərçəng xəstəlikləri səbəbindən böyüyə bilər; dəyişiklik hiss etdikdə həkimə müraciət edin.
Limfa düyünlərinin böyüməsi (limfadenopatiya) limfa düyünlərinin ölçüsünün artması və bəzən onların konsistensiyasının (bərkliyinin) dəyişməsi ilə müşahidə olunan vəziyyətdir. Bu zaman düyünlər ağrılı və ya ağrısız, hərəkətli və ya hərəkətsiz ola bilər.
Limfa düyünləri niyə böyüyür?
Bu hal müxtəlif səbəblərdən yarana bilər:
- İnfeksion xəstəliklər
- İltihabi proseslər
- Bəzi xərçəng xəstəlikləri
- Bəzi dərmanların qəbulu
Limfa düyünlərinin böyüməsi bəzən tək bir nahiyədə, bəzən isə bədənin bir neçə yerində yayılmış şəkildə müşahidə oluna bilər.
Limfoma nədir?
Limfoma limfatik və immun sistemi hüceyrələrinin bədxassəli xəstəliyidir. O, limfa düyünlərini, dalağı, sümük iliyini, eləcə də bir çox orqan və sistemi zədələyir. Limfoma zaman keçdikcə inkişaf edən ciddi xəstəlikdir və müalicənin nəticəsi vaxtında qoyulan düzgün və dəqiq diaqnozdan çox asılıdır.
Limfa düyünlərində belə dəyişikliklər hiss edirsinizsə, gecikmədən həkimə müraciət edin.